146               TESTAMENTS ENREGISTRÉS AU PARLEMENT DE PARIS            (386)
Item, il volt et ordonna que tantost après la sepulture de son corps, ses obseques feussent célébrez honnestement, et que le luminaire et les autres choses necessaires feussent faites moyennement, à la discrecion deses executeurs, et ainsi qu'il est acoustumé de faire pour les evesques d'Arraz ou temps passé.
Item, il volt et ordonna deux cens livres Tournois estre données et distribuées pour Dieu aux povres qui la seront assemblez le jour de ses obseques.
Item, il volt et ordonna encores estre donné et distribué ce jour cent livres Tournois aux chanoines, chappellains et vicaires de sa dicte eglise qui seront presens aux vigiles et messes d'icelles obseques.
Item, le dit testateur volt et ordonna que, s'il avenoit qu'il alast de vie à trespassement hors de son hostel episcopal d'Arras, ailleurs que à Paris, son corps feust porté en son eglise d'Arraz honnestement acompaignié sans pompe, pour l'onneur de la dignité episcopal, et que ses serviteurs familiers de ses hostelz episcopal et de Paris, faisans en l'un d'iceulx residence, feussent vestuz de noir aux fraiz de son execu-cion.
Item, il volt et ordonna que, s'il aloit de vie à trespassement à Paris, son corps feust porté en l'eglise parrochial de Saint Andry des Ars, dont il estoit parroissien, pour y estre dictes vigiles et messe de mors solen-ueles, et que le luminaire soit petit et demeure au curé et à l'eglise se­lon raison et l'usaige, sans faire aucune donnée commune d'argent, se n'est une petite somme par l'advis de ses executeurs, ét ylec son dit corps sera prins pour porter au dit lieu d'Arras.
Item, ou cas que le dit testateur n'auroit ordonné en son vivant de son obit pour le salut de son ame, il laissa à son dit chapitre deux cens livres Parisis pour acheter par ycelui chapitre aucunes rentes pour le dit obit; et volt que le jour d'icellui obit feust et soit enregistré es re­gistres de son dit chapitre par la plus seure et meilleur maniere que faire se pourra, ainsi qu'il est acoustumé, duquel registre il volt que ses diz executeurs eussent la copie signée.
Item, afin que ses successeurs ou temps à venir soient tenuz de prier